The Lord Be With You

GOZOS NI SEÑOR SAN AGUSTIN (Cebuano - Revised)  Natingban ka sa gugma  Ug kalantip sa salabutan.  R. Agustin, dakong amahan,  Ikaw ang among dalangpanan.  Sa Diyos ka gipaambungan,  Sa gahum Niya ug grasya Natawo ka sa Africa  Sa sala ikaw gihugasan;  Sa labihang paghigugma,  Nahimo kang labing bulahan.  R. Agustin, dakong amahan,  Ikaw ang among dalangpanan.  Sa nagpabunyag ka na,  Si San Ambrosyo nagsadya  Miawit sa pasalamat,  Sa simbahan himaya;  Sa labihang paghigugma,  Nahimo kang labing bulahan.  R. Agustin, dakong amahan,  Ikaw ang among dalangpanan.  Imo kaming panudluan,  Imo kaming panabangan,  Kami sa Diyos ituboy  Sa iyang gugma ug kalooy;  Dad-a kami sa kalangitan,  Hangtud sa kahangturan.  R. Agustin, dakong amahan,  Ikaw ang among dalangpanan.  _______________________________________________________________________ #TheLordBeWithYou  #TheCatholicWriter 

NOVENA NI SAN AGUSTIN (Day 1 to 9) (Cebuano) PAGPAHAMATNGON - Nga Pagpalandungon sa Tao nga Nagatuyo Pagnovena kang San Agustin - Ang pagkabugnaw sa kasingkasing ta sa pagsilbi ug paghigugma ta sa atong Ginoong Diyos, maoy nakaluya sa atong kaugalingon nga pag-ampo kaniya, ug mao usab ang makasgang sa atong pag-ampo sa pagdangat sa atubangan sa atong Ginoong Diyos. Ang atong Amahan si San Agustin, maoy palihugon, nga arang ta saligan sa bug-os nga pagsalig, kay sa buhi pa siya dinhi sa kalibutan nakapahamuut kaayo sa atong Ginoong Diyos, ug nahagugma usab sa Diyos sa mainit nga higugma, nga dao nasiga sa iyang dughan. Busa ngani pinalangga kaayo ug gihigugma upod ang atong amahan si San Agustin: mao ang kadako ngani ang paghigugma ug pagpakadaku sa Diyos kaniya, nga gisaligan ug gitugyanan sa Diyos si San Agustin sa pagtuon, sa pagtudlo, ug sa pag bantay sa mga kalag ta: ug didto sa Langit gikita ni Santa Gertrudis nga gipaulanan ug gipuno sa Diyos sa santos nga bendisyon, ug grasya n